القوانين

أهلن ^^

هالقوانين وضعتها مش لقصد التقييد..وإنما لتسهيل التفاهم..لأني في كل مرة احتاج أسردها على الزبونه عشان تفهمني ^^”

وكلها وضعتها بناء على خبرتي المتواضعه خخخخ وكل ماجد جديد بحطه هنا ان شاء الله

وضعت قونين تخص التعامل .. وقوانين تخص نوع الرسمه على التي شيرت..واتمنى تتفهموني

فيما يخص الرسمة عالتي شيرت:

- لااااااااااااااا ارسم أرواح .. اعتذر بهالخصوص

- انا لاااااااااااااااااااااااااااااااا – واقولها بصوت عالي ومسموع – لااااااااااااا ارفع شعارات الحب الغير مشروع..سواء كان هذا الحب بين الجنسين او بين احدهما (والعياذ بالله) وانا جاده جدا جدا في هذا الموضوع ولا تهاون فيه ولو اكتشفت في يوم ان احد زبائني استخدمني لغرض من هذا النوع فإني اطالبه بإستعادة ما اشترى مني ومستعدة لإرجاع المبلغ الذي سلمني اياه! وانا بريئة منه ومن ماهو فيه..فتوقعوا اني اسأل سؤال صريح بخصوص الموضوع هذا..ليس بغرض التشكيك في الاخلاق ولكن زي ما يقولون اللي ما يعرفك يجهلك!

- لا احد يطلب مني اكتب بها اللغة الجديدة التافهه اللي مطلعينها…اللي تكتب عربي بحروف انجليش و 5 يعني خاء و 3 يعني عين ومدري وشو..!!! احولت عيوني وانا اقراهم واكتبهم..الى هنا وبس..ماعاد بسوي فنايل من هاللغة..ماقدرت اتقنها ولاني هاظمتها من اصل…اعرف لغتين بس (عربي) و (English) <<<والفارسي بالطريق XD
وغير هاللغات ما راح اكتب .. كنت اول عادي لما كانت مجرد نك نيم او كومينت صغير…الحين صارت مواضيع ومواقع كامله تنكتب بهاللغه…!!!

- انا ارسم فقط للبنات والشباب من سن 12 فما فوق لا اصغرررررررر….والسبب هو اني اجتهد نفس الجهد في جميع الحالات..وتي شيرتات الاطفال يتوقعون مني انها تكون اقل ثمنا..وانا زي ما قلت لكم اتعب نفس التعب..فإذا نزلت من تكلفتها ظلمت نفسي واذا رفعت سعرها ظلمت الزبون!!!! .. (إضافه الى اني مش متأكده من تأثير الالوان على جلود الاطفال المواليد فأنا هنا اخلي مسؤوليتي) لهذا السبب انا لاااااااااااا ارسم للأطفال ..  معليش سامحوني <<<< ياشينك وانتي تتشرطين

- لاااااااااااااا أكرر الرسمة نفسها مرتين….كل زبون وله رسمه خاصه فيه…لاتطلبون مني اعيد نفس الرسمه على تي شيرت ثاني..نصيحه..لأني بكون ارسم من غير نفس وبخربها لكم ..وانا اعتقد انها ميزه لأن كل شخص يبي يكون متميز ومحد عنده مثله

- لاااااا اعمل هدايا عيد الميلاد…..لأني صراحة مش مقتنعه بفكرتها…لو جينا للحق يوم ميلادي هو يوم كأيب..سنه أقرب للقبر..ليه احتفل؟ من زود الثقه يعني؟ لو عيد زواج او عيد صداقه او عيد وطني هذي لها معنى قوي…أما عيد الميلاد؟؟؟ الرسول ما احتفل بعيد مولده..مع انه أولى لأن مولده كان خير وبركه عالبشرية ..ولا احتفل…أجي انا الإنسان اللي محد درى عني احتفل؟؟ ….عشان كذا اعتذرررر عن رسوم اعياد الميلاد .. ياخوفي تصير يوم من الأيام حفلة رسمية لعيد الميلاد أهم من حفلات الزفاف وغيرها!!!!!!!!!!!!

********

فيما يخص التعامل:

- الجديه ثم الجديه في الطلب.. لا وقت عندي للطلبات الغير جاده.

- التعامل سيكون في حدود البريد الإلكتروني فقط! لا اتعامل بالهاتف او الجوال.

-الدفع قبل العمل..يعني عند إعلامي بطلبك سوف ارسل لك الموافقه مع رقم حسابي في البنك..يتم الدفع ثم اباشر برسم التي شيرت.